གཟའ། ཕུར་བུ་བྱང་སེམས་སྐྱེས་པ་བློན། །བརྗེའི་བླ་གཟའ་བྲམ་ཟེའི་རིགས། །ཞི་དྲག་འདྲེས་མ་རླུང་གི་ཁམས། །རབ་བྱུང་སྡོམ་འབོགས་དབང་བསྐུར་བ། །དཀྱིལ་འཁོར་སྔགས་བཟླ་རབ་ཏུ་གནས། །སྦྱིན་སྲེག་སྤྱི་དང་སྒོས་རོ་སྲེག །འཆད་ཉན་རྟེན་བཞེངས་རྒྱལ་སར་འདོན། །སྐྱེས་བློན་ཁྱད་པར་བནྡེ་ཡི། །བྱ་བ་སྒྲུབ་དང་དྲ་གྱོན་བག །ལྷ་ཁང་ཁང་རྨང་འདིང་ཐབ་བཅའ། །མཐུ་གཏད་བཟློག་མནན་རྒྱན་འདོགས་ཚོང༌། །རིན་ཆེན་ལྔའི་ལས་རྟ་གླང་འདུལ། །བྲན་བསྟེན་དོན་གཉེར་ལམ་དུ་ཞུགས། །གསོན་གཤིན་སྟོན་མོ་སྐྲ་འཁྲུ་བ། །གཏར་སྲེག་མོ་རྩིས་ཁྱིམ་གསར་འཛིན། །ཆང་བཙོ་སྦྲ་ཕྱར་འཚེམ་འཕོ་སྐྱས། བ་དན་མེ་ཏོག་སྐྱེ་ཤིང་འཛུགས། །ཞིང་སོགས་ས་བོན་གདབ་པ་དང་། །རྟ་དྲེལ་སྒ་རྒྱག་བསྡུམས་མདུན་གྲོས། །བརྟན་ལས་དགེ་ཤིས་རྒྱས་ལས་བཟང༌། །ཟླ་བའི་ཡར་ངོ་ཉིན་མོ་དང་། །དར་དུས་ལྷོ་བགྲོད་མྱུར་བའི་འགྲོས། །ཉ་དང་གཞུར་སླེབས་སྟོབས་ལྡན་ཞིང་།། ཁྱད་པར་བསྐྲད་ལས་སྟོབས་ཆེར་དྲན། །མོ་སྐྱེས་ནད་བཏབ་ཐོག་འབུབས་པ། །མནའ་སྐྱེལ་ཕྱུགས་གཏོང་བཙོན་དུ་ཚུད། །སྐྲ་སེན་འདྲེག་རྣམས་ངན་པས་སྤང༌།། ཚེས། ཚེས་གཉིས་རབ་གནས་རྒྱལ་སར་འཇུག །ཐབ་བཅའ་འབྲུ་འདེབས་རྫིང་ཁྲོན་འདྲུ། །ཕྱུགས་ཉོས་སྟོང་འཕེལ་རྒྱས་ལས་བཟང་། །སྐྲ་འཁྲུ་ལམ་ཞུགས་དོན་གཉེར་བ། །ཆུ་རགས་རྒྱག་དང་སྦྱིན་སྲེག་ངན།། སྐར་མ། ས་ག་གྲུབ་སྐར་མེ་ཡི་ཁམས། །བཏང་སྙོམས་ཅན་ཏེ་ཞིང་གི་བླར། །དཀྱིལ་འཁོར་འདྲི་སྒྲུབ་དབང་རབ་བྱུང་། །སྦྱིན་སྲེག་འཆད་ཉན་གཉེན་སྦྱོར་བ། །བག་མ་ལེན་དང་བུ་ལོན་འཇལ། །བཟོ་དང་ཁྱིམ་གསར་བང་མཛོད་འཛིན། །དྲ་གྱོན་སྲི་མནོན་རྟ་ཕྱུགས་འདུལ། །ས་ཁ་ས་བོན་ཞིང་གི་ལས། །ཆུ་རགས་སྐྲ་སེན་འདྲེག་དགྲ་འདུལ། །དྲག་ལས་ཁྱད་པར་དབང་ལས་བཟང་། །ས་ཞིང་ཡུལ་མཁར་ཕྱིར་གཏོང་དང༌། །མཁར་ལས་ཁྱིམ་འབུབས་བང་མཛོད་དབྱེ། །ཤིད་དང་དུར་འདེབས་མགྲོན་འགྲོ་ལམ། །ལྟ་གཡང་ཞུ་གསོལ་ལྷ་རྟེན་བཞེངས། །རྒྱལ་ས་སྨན་སྦྱོར་འབྲུ་འཇལ་སྐྱས། །ཁ་མཆུ་སྐྲ་འཁྲུ་སྟོན་མོ་བསྡུམས། །མོ་རྩིས་མེ་ཏོག་ཤིང་འཛུགས་པ། །ཞི་དང་རྒྱས་པའི་ལས་རྣམས་ངན།། འབྱུང་འཕྲོད། མེ་རླུང་འཕྲད་པ་སྟོབས་ལྡན་སྦྱོར། །སྟོབས་ལྡན་སྦྱོར་བས་བཀྲ་ཤིས་བྱེད། །རིམ་གྲོ་ལྷ་གསོལ་ཆོས་སྤྱོད་བྱ། །ཞི་རྒྱས་དབང་གི་ལས་རྣམས་འགྲུབ།། སྦྱོར་བ། ཚེ་ལྡན་ཚེ་རིང་དཔལ་ཐོབ་བོ། གནམ་སྒོ། ཚོང་གི་གནམ་སྒོར་ཚོང་བྱས་ན། །ཚོང་ཉེས་གོད་ཁ་རྒྱུན་མི་ཆད།།  མེ་ལྷ། མེ་ལྷ་ས་སྟེང་གནས་པར་བརྟེན། །སྲེག་བླུགས་འབུལ་ན་སྒྲུབ་པ་པོར། །དངོས་གྲུབ་རྣམ་གཉིས་ཐོབ་པར་འགྱུར། །