གཟའ། པ་སངས་སྟག་གཟིག་རྒྱལ་བློན་དང་། །བུད་མེད་བླ་གཟའ་བྲམ་ཟེའི་རིགས། །ཞི་བ་ས་ཁམས་སྣ་ཚོགས་མདོག །ཆོས་འཆད་རབ་བྱུང་རབ་གནས་དང་། །དཀྱིལ་འཁོར་སྔགས་སྒྲུབ་ལྷ་རྟེན་བཞེང་།། ལྷ་གསོལ་གཉེན་སྒྲིག་བག་མ་ཚོང༌། །ལམ་ཞུགས་ཁང་རྨང་སྦྲ་ཁྱིམ་འབུབས། །རྒྱལ་སར་འཇུག་སོགས་རྒྱལ་བློན་དང་། །བུད་མེད་ཀྱིས་བསྒྲུབ་བྱ་བའི་ལས། །དྲ་གྱོན་ལྟད་སྟོན་རྫིང་ཡུར་འདྲུ། །གྲོགས་བཙལ་འཁོར་བསྟེན་དྲི་སྨན་སྦྱོར། །གཏར་སྲེག་གཤིན་གྱི་བྱ་བ་སྤྱི།། ཆང་བཙོ་སྟོན་མོ་སྐྲ་འཁྲུ་འདྲེག །ས་ཁ་སོ་ནམ་ས་བོན་གདབ། །རིན་ཆེན་ལྔའི་བཟོ་ཁྱིམ་འཛིན་པ། །མོ་རྩིས་རིག་སློབ་བསྡུམས་ཐབ་བཅའ། །རྟ་རྒྱུག་སྒ་རྒྱག་རྩེད་མོ་གྲོས། །རྒྱན་འདོགས་བུད་མེད་དག་ལ་བགྲོད། །ཆུ་རགས་དཀར་ཕྱོགས་རིམ་གྲོ་སོགས། །ཞི་དང་རྒྱས་པའི་ལས་རྣམས་བཟང་། །དཀར་ཕྱོགས་དར་དུས་ལྷོ་བགྲོད་ཉིན། །དལ་འགྲོས་སྟོབས་ཆེ་ཁྱད་པར་དུ། །གླང་སྲང་ཁྱིམ་དུ་དབང་ལས་འགྲུབ། །འཕོ་སྐྱས་ཤགས་འདེབས་འཁོན་བར་པ། །ནད་ཐེབས་ཇག་རྐུན་དུར་སྦ་སྲེག །བུ་ལོན་འཇལ་དང་དྲག་ལས་ངན།། ཚེས། ཉེར་བརྒྱད་ལ་ནི་སྦྱིན་སྲེག་དང་། །ཆུ་རགས་རྩིག་དང་དབང་ལས་བཟང་། །ལམ་ཞུགས་སྐྲ་འཁྲུ་བག་མ་དང་། །གཤིན་ལས༌བྲན་བསྟེན་རྫིང་ཡུར་འདྲུ། །རབ་གནས་རྒྱལ་ས་ས་བོན་འདེབས། །ནོར་ཕྱུགས་ཉོ་རྣམས་ངན་པས་སྤང་།། སྐར་མ། སྐག་ནི་མགྲོན་སྐར་ཆུ་ཡི་ཁམས། །འབྲས་བུ་ངན་པ་ཁྱི་གཅན་བླར། །དཀྱིལ་འཁོར་འབྲི་སྒྲུབ་གྲོང་ཁྱེར་གཞོམ། །དམག་ཇག་གསོད་གཅོད་སེར་བ་དཔབ། །རྒྱན་བརྡུང་རྫིང་ཡུར་འདྲུ་ལམ་འཆོས། །ར་བ་རགས་རྩིག་ཞུ་གསོལ་ཚོང་། །དགྲ་བྲུབ་སྲི་མནན་བུ་ལོན་འཇལ། །མི་ཤི་སྐབ་ཆོག་གཤིན་ཆོས་དང་། །གསེབ་གཏོང་གྲོས་ཐག་གཅོད་ཆུ་སྒྱུར། །ཕ་རོལ་གཡོ་བསླུས་སྐྱེ་ཤིང་འཛུགས། །ཞི་བའི་ལས་དང་ཁྱད་པར་དུ། །མངོན་སྤྱོད་དྲག་པོའི་ལས་ཀུན་བཟང་། །རབ་གནས་ལྷ་གསོལ་སྨན་སྦྱོར་སྐྱས། །དྲ་གྱོན་རྒྱན་འདོགས་རྒྱལ་སར་བསྐོ། །མཁར་ལས་ལྷ་ཁང་རྟེན་བཞེངས་བ། །མོ་རྩིས་དོན་གཉེར་ཁྱིམ་གསར་འཛིན། །ཕྱུགས་འདུལ་འབྲེལ་སྟེག་ལམ་དུ་འཛུག །ཐབ་བཅའ་སྦྲ་ཕྱར་ར་ཕྱིར་གཏོང༌། །རྟ་བོང་སྒ་བཅོས་ཞལ་ཆེ་བག །རོ་འདོན་ལྟད་མོ་ཐག་ཁྲི་འཛུགས། །དགེ་ཆོས་བརྟན་པའི་ལས་རྣམས་ངན།། འབྱུང་འཕྲོད། ས་ཆུ་འཕྲད་པ་ལང་ཚོ་སྦྱོར། །ལང་ཚོ་སྦྱོར་བས་ཤིན་ཏུ་སྐྱིད། །དགའ་སྟོན་བྱ་ཞིང་ཆེ་སར་འདོན། །གོས་གྱོན་རྒྱན་འདོགས་རོལ་རྩེད་བཟང་།། སྦྱོར་བ། གྲུབ་པ་བསམ་པ་ཐམས་ཅད་འགྲུབ། གནམ་སྒོ། དུར་གྱི་གནམ་སྒོར་དུར་བཏབ་ན། །དུར་སྲི་བཏུད་ཅིང་ཐ་མར་འཕུང་།།   བ་དན། ས་བདག་བ་དན་ཁྲ་བོ་ཤར་བའི་སྐབས་འཁེལ་བས། དར་ཆེན། རྒྱལ་མཚན། དར་ལྕོག ཐུག ཤམ་བུ། དར་གྱི་རིགས་བཙུགས་ན། དར་དེ་མ་ཟད་བར་དུ་ས་བདག་འཁོར་བཅས་ཁྲོས་ཏེ་དགེ་མེད་སྐྱོན་འགྱུར་ཆེ་བས་གཟའ་སྐར་བཟང་ཡང་སྤོང་དགོས།