གཟའ། པ་སངས་སྟག་གཟིག་རྒྱལ་བློན་དང་། །བུད་མེད་བླ་གཟའ་བྲམ་ཟེའི་རིགས། །ཞི་བ་ས་ཁམས་སྣ་ཚོགས་མདོག །ཆོས་འཆད་རབ་བྱུང་རབ་གནས་དང་། །དཀྱིལ་འཁོར་སྔགས་སྒྲུབ་ལྷ་རྟེན་བཞེང་།། ལྷ་གསོལ་གཉེན་སྒྲིག་བག་མ་ཚོང༌། །ལམ་ཞུགས་ཁང་རྨང་སྦྲ་ཁྱིམ་འབུབས། །རྒྱལ་སར་འཇུག་སོགས་རྒྱལ་བློན་དང་། །བུད་མེད་ཀྱིས་བསྒྲུབ་བྱ་བའི་ལས། །དྲ་གྱོན་ལྟད་སྟོན་རྫིང་ཡུར་འདྲུ། །གྲོགས་བཙལ་འཁོར་བསྟེན་དྲི་སྨན་སྦྱོར། །གཏར་སྲེག་གཤིན་གྱི་བྱ་བ་སྤྱི།། ཆང་བཙོ་སྟོན་མོ་སྐྲ་འཁྲུ་འདྲེག །ས་ཁ་སོ་ནམ་ས་བོན་གདབ། །རིན་ཆེན་ལྔའི་བཟོ་ཁྱིམ་འཛིན་པ། །མོ་རྩིས་རིག་སློབ་བསྡུམས་ཐབ་བཅའ། །རྟ་རྒྱུག་སྒ་རྒྱག་རྩེད་མོ་གྲོས། །རྒྱན་འདོགས་བུད་མེད་དག་ལ་བགྲོད། །ཆུ་རགས་དཀར་ཕྱོགས་རིམ་གྲོ་སོགས། །ཞི་དང་རྒྱས་པའི་ལས་རྣམས་བཟང་། །དཀར་ཕྱོགས་དར་དུས་ལྷོ་བགྲོད་ཉིན། །དལ་འགྲོས་སྟོབས་ཆེ་ཁྱད་པར་དུ། །གླང་སྲང་ཁྱིམ་དུ་དབང་ལས་འགྲུབ། །འཕོ་སྐྱས་ཤགས་འདེབས་འཁོན་བར་པ། །ནད་ཐེབས་ཇག་རྐུན་དུར་སྦ་སྲེག །བུ་ལོན་འཇལ་དང་དྲག་ལས་ངན།། ཚེས། བཅུ་གཉིས་ལྷ་ཁང་རྟེན་བཞེངས་བ། །རྒྱལ་ས་ཐབ་བཅའ་རྫིང་ཡུར་འདྲུ། །ས་བོན་འདེབས་དང་ཞིང་ལས་བཟང་། །རབ་བྱུང་སྐྲ་འཁྲུ་སྦྱིན་སྲེག་དང་། །ལམ་ཞུགས་བྲན་བསྟེན་ཕྱུགས་ཉོ་ངན།། སྐར་མ། མེ་བཞི་གཤིན་སྐར་རླུང་གི་ཁམས། །མི་བརྟན་འགྱུར་བ་ལུག་གི་བླར། །རབ་བྱུང་དཀྱིལ་འཁོར་འབྲི་སྒྲུབ་དབང་། །རབ་གནས་འཆད་ཉན་སྡོམ་པ་འབོགས། །མཆོད་འབུལ་ལྷ་གཡང་རྒྱལ་སར་བསྐོ། །སྨན་སྦྱོར་དྲ་གྱོན་རྒྱན་འདོགས་པ། །མཁར་ལས་ཐབ་བཅའ་ཡུལ་ཁྱིམ་འཛིན། །གཉེན་སྦྱོར་དགའ་སྟོན་མདུན་གྲོས་བྱ། །ས་ཁ་ཞིང་ལས་ས་བོན་གདབ། །རྫིང་འདྲུ་ཕར་རྒོལ་དམག་ཇག་རྐུན། །ཕྱུག་འདུལ་ཕྱུགས་བསྲེལ་གླང་ཆེན་ཞོན། །རྟ་བོང་ཟེ་རྔོག་འདྲེག་སྒ་རྒྱག །གནག་ལུག་ཁྱུ་འཛུགས་ཤཱ་རགས་བསྡུམས། །རྫིང་འདྲུ་མནན་པ་སྐྲ་སེན་འདྲེག །ཡིག་སློབ་བཟོ་དང་སྦྲ་ཕྱར་འཚེམ། །མོ་རྩིས་ཞུ་ནོར་འབུལ་བ་སོགས། །རང་དོན་མྱུར་སྒྲུབ་དྲག་ལས་བཟང༌། །ཕྱུགས་མ་ནང་ལེན་ལུག་ཕྱིར་གཏོང༌། །བང་བ་ཁ་འབྱེད་རྫས་ཕྱིར་འཇལ། །སྦྲ་ཁྱིམ་འབུབས་དང་ལམ་དུ་འཇུག །ཤིད་རོ་འདོན་སྲེག་ཕྱུགས་གཉའ་སྲོ། །ལྷ་ཁང་རྟེན་བཞེངས་ལྟད་མོ་སྐྱས། །ཚོང་དང་མེ་ཏོག་ཤིང་འཛུགས་ངན།། འབྱུང་འཕྲོད། ས་རླུང་འཕྲད་པ་མི་འཕྲོད་སྦྱོར། །མི་འཕྲོད་སྦྱོར་བས་ཟས་ནོར་འཛད། །རྐུན་ཇག་འཇོམས་འཕྲོག་བྱེད་པ་སོགས། །མྱ་ངན་འོང་བས་དོན་མི་འགྲུབ།། སྦྱོར་བ། རྡོ་རྗེ་འདོད་པ་ཐམས་ཅད་འཇོམས། གནམ་སྒོ། ཚོང་གི་གནམ་སྒོར་ཚོང་བྱས་ན། །ཚོང་ཉེས་གོད་ཁ་རྒྱུན་མི་ཆད།།