གཟའ། ཕུར་བུ་བྱང་སེམས་སྐྱེས་པ་བློན། །བརྗེའི་བླ་གཟའ་བྲམ་ཟེའི་རིགས། །ཞི་དྲག་འདྲེས་མ་རླུང་གི་ཁམས། །རབ་བྱུང་སྡོམ་འབོགས་དབང་བསྐུར་བ། །དཀྱིལ་འཁོར་སྔགས་བཟླ་རབ་ཏུ་གནས། །སྦྱིན་སྲེག་སྤྱི་དང་སྒོས་རོ་སྲེག །འཆད་ཉན་རྟེན་བཞེངས་རྒྱལ་སར་འདོན། །སྐྱེས་བློན་ཁྱད་པར་བནྡེ་ཡི། །བྱ་བ་སྒྲུབ་དང་དྲ་གྱོན་བག །ལྷ་ཁང་ཁང་རྨང་འདིང་ཐབ་བཅའ། །མཐུ་གཏད་བཟློག་མནན་རྒྱན་འདོགས་ཚོང༌། །རིན་ཆེན་ལྔའི་ལས་རྟ་གླང་འདུལ། །བྲན་བསྟེན་དོན་གཉེར་ལམ་དུ་ཞུགས། །གསོན་གཤིན་སྟོན་མོ་སྐྲ་འཁྲུ་བ། །གཏར་སྲེག་མོ་རྩིས་ཁྱིམ་གསར་འཛིན། །ཆང་བཙོ་སྦྲ་ཕྱར་འཚེམ་འཕོ་སྐྱས། བ་དན་མེ་ཏོག་སྐྱེ་ཤིང་འཛུགས། །ཞིང་སོགས་ས་བོན་གདབ་པ་དང་། །རྟ་དྲེལ་སྒ་རྒྱག་བསྡུམས་མདུན་གྲོས། །བརྟན་ལས་དགེ་ཤིས་རྒྱས་ལས་བཟང༌། །ཟླ་བའི་ཡར་ངོ་ཉིན་མོ་དང་། །དར་དུས་ལྷོ་བགྲོད་མྱུར་བའི་འགྲོས། །ཉ་དང་གཞུར་སླེབས་སྟོབས་ལྡན་ཞིང་།། ཁྱད་པར་བསྐྲད་ལས་སྟོབས་ཆེར་དྲན། །མོ་སྐྱེས་ནད་བཏབ་ཐོག་འབུབས་པ། །མནའ་སྐྱེལ་ཕྱུགས་གཏོང་བཙོན་དུ་ཚུད། །སྐྲ་སེན་འདྲེག་རྣམས་ངན་པས་སྤང༌།། ཚེས། བཅོ་ལྔ་རབ་གནས་དཀྱིལ་འཁོར་བསྒྲུབ། །དབང་བསྐུར་ཆོས་སྐྱོང་ལྷ་གསོལ་ལམ། །རྒྱལ་ས་སྐྲུ་འཁྲུ་གཡང་ནོར་བསྒྲུབ། །མཁར་ལས་རྟེན་བཞེངས་ཁྱིམ་གསར་འཛིན། །གཤིན་ལས་བཟློག་པ་ས་བོན་གདབ། །ཕྱུགས་ཉོ་ཞི་རྒྱས་ལས་རྣམས་བཟང་། །རབ་བྱུང་བག་མ་བུ་འབོགས་པ། །མནའ་སྐྱེལ་བུ་ལོན་འཇལ་རྣམས་ངན།། སྐར་མ། སྣྲུབས་ནི་དམེ་སྐར་ཆུ་ཡི་ཁམས། །འབྲས་བུ་ངན་པ་དམངས་པོའི་བླར། །དམག་དྲང་བསད་དྲག་གྲོང་ཁྱེར་གཞོམ། །རབ་གནས་ཚེ་གཡང་རྟེན་བཞེངས་ཚོང༌། །འཕོ་སྐྱས་ལྷ་གསོལ་ཞལ་གསོ་དང༌། །ཁྲུས་བྱ་མཁར་ལས་བང་བ་རྩིག །སྒོ་འཛུགས་སྟོན་མོ་གཏམ་གཏོང་བ། །ཐུགས་འགྱེད་མོ་རྩིས་ས་བོན་འདེབས། །ནོར་རྫས་ཚུར་ལེན་ཆུ་སྲུང་གཏོང༌། །བྲན་བརྟེན་གཤིན་དགེ་མདོས་གཏོར་མནན། །དབང་དྲག་མངོན་སྤྱོད་ལས་རྣམས་བཟང་། །ཕར་འཇལ་ལམ་ཞུགས་རྒྱལ་སར་འཇུག །དྲ་གྱོན་བག་མ་དུར་གདབ་པ། །སྡུད་ཁ་ཟ་འགོ་འཛུགས་མིང་འདོགས། །སྤྲ་ཕྱར་ཐབ་བཅའ་རྒྱལ་མཚན་འཛུགས། །ཆུ་རགས་ཁྱིམ་འཛིན་ཆེན་པོའི་ལས། །སྦྱིན་སྲེག་ཞི་རྒྱས་ལས་རྣམས་ངན།། འབྱུང་འཕྲོད། ཆུ་རླུང་འཕྲད་པ་མི་མཐུན་སྦྱོར། །མི་མཐུན་སྦྱོར་བས་གཉེན་བཤེས་འབྱེད། །དབྱེན་དང་ཕྲ་མ་གཞུགས་པ་དང་། །དགྲ་བོ་དབྱུང་བའི་ལས་རྣམས་བྱ།། སྦྱོར་བ། དབང་པོ་སློབ་གཉེར་བྱེད་པ་བཟང་། གནམ་སྒོ། གཉེན་གྱི་གནམ་སྒོར་གཉེན་བྱས་འགྲས། །སྟོན་མོ་བྱས་ན་སྟོར་བརླག་ཡོང་།།  མེ་ལྷ། མེ་ལྷ་ས་སྟེང་གནས་པ་ལས། །སྲེག་བླུགས་འབུལ་ན་སྒྲུབ་པ་པོར། །དངོས་གྲུབ་རྣམ་གཉིས་ཐོབ་པར་འགྱུར། །