གཟའ། ཉི་མ་ལྷའི་གཟའ་སྐྱེས་པ་དང༌། །རྒྱལ་པོའི་བླ་གཟའ་རྒྱལ་རིགས་ཏེ། །ཞི་བ་དམར་སྐྱ་མེ་ཡི་ཁམས། །ལྷ་གསོལ་སྐྱེས་པས་བསྒྲུབ་པའི་ལས། །ཁྱད་པར་རྒྱལ་པོར་བསྐོ་བ་དང་། །ཕོ་བྲང་འདེབས་སོགས་རྒྱལ་སྲིད་དང༌། །རྒྱལ་རིགས་ཀྱིས་སྒྲུབ་བྱ་བའི་ལས། །མི་ཆེན་མཇལ་དང་ཕྱག་འབུལ་པ། །མེའི་ལས་ཁྱད་པར་དབང་དྲག་ཧོ། །ཐབ་བཅའ་བུ་བཙས་རབ་ཏུ་བྱུང༌། །སྨན་སྦྱོར་ཁྲུས་དང་དྲི་ཡི་ལས། །དངོས་པོ་ཚུར་ལེན་རྟ་ཕྱུགས་འདུལ། །གསེར་ཤིང་རུས་པ་པགས་པའི་བཟོ། །འབྲོག་དགོན་ནགས་ཁྲོད་འགྲོ་བ་དང༌། །གསོན་སྟོན་ཡོ་ལངས་དགེ་ཤིས་སོགས། །གསོན་པོའི་བྱ་བ་སྒྲུབ་པ་བཟང༌། །ཁྱད་པར་ཉིན་མོ་ཟླ་བའི་སྨད། །བྱང་བགྲོད་དུས་དང་སེང་ཁྱིམ་སླེབས། །དར་བའི་དུས་སུ་སྟོབས་ཆེའོ། །ལྷ་ཁང་ཁང་གསར་རྨང་གཞི་འདིང༌། །ཕྱིར་གཏོང་ལམ་ཞུགས་མནའ་སྐྱེལ་དགག །ནད་འདྲི་བག་མ་གོས་དྲ་གྱོན། །མི་ཤི་གཤིན་ཆོས་ཤིད་རོ་འདོན། །སྐྲ་སེན་འདྲེག་དང་སྦྲ་ཕྱར་འཚེམ། །གཏར་སྲེག་སྲི་མནན་བསྡུམས་བྱེད་པ། །རྫིང་ཡུར་ས་ཁ་ཞིང་འདེབས་དང༌། །མེ་ཏོག་ཤིང་འཛུགས་རབ་གནས་སྐྱས། །ཁྱིམ་འཛིན་བང་མཛོད་རྩིག་རྣམས་ངན།། ཚེས། ཉེར་བདུན་ལམ་ཞུགས་སྐྲ་འཁྲུ་གཤིན། །འབྲུ་འདེབས་ཐབ་བཅའ་རྒྱས་ལས་བཟང་། །རབ་གནས་རྒྱལ་ས་ལྷ་རྟེན་བཞེངས་། །དྲན་བསྟེན་ནོར་ཉོ་བག་མ་དང་། །སྦྱིན་སྲེག་ཤྭ་རགས་རྩིགས་པ་ངན།། སྐར་མ། དབོ་ནི་དགྲ་སྐར་རླུང་གི་ཁམས། །རབ་ཏུ་བརྟན་པ་ལུག་གི་བླར། །རབ་གནས་ཡུལ་གསར་གནས་གཞི་བཟུང༌། །རྒྱལ་སར་བསྐོ་དང་ལྷ་རྟེན་བཞེངས། །འཆད་ཉན་ལྷ་གསོལ་ཚེ་གཡང་འགུགས། །མཁར་ལས་ཐབ་བཅའ་རགས་བྲེས་རྩིག །སྦྲ་ཕྱར་འཚེམ་དང་རྒྱལ་མཚན་འཛུགས། །གཉེན་སྦྱོར་བག་མ་གཏོང་ལེན་དང༌། །སྒྱེད་འཛུགས་བུ་འབོགས་མོ་རྩིས་བྱ། །སྐྲ་འཁྲུ་རྒྱན་འདོགས་བཟློག་ཟོར་འཕེན། །མིང་འདོགས་སྟོན་མོ་རྟ་ཕྱུགས་འདུལ། གཏོང༌། །རྟ་བོང་སྒ་རྒྱག་མདུན་གྲོས་དང༌། །རྩུབ་ལས་གསོད་གཅོད་དྲག་པོའི་ལས། །དོན་གཉེར་འཕོ་སྐྱས་རྫས་ཕྱིར་།བརྟག་ཅིང་བརྟན་པའི་ལས་རྣམས་བཟང༌། །གོས་དྲ་གོས་གྱོན་བུ་སྲིང་རྫོང་། །རྫིང་ཡུར་ཁྲོན་འདྲུ་སྦྲ་ཁྱིམ་འབུབས། །རོ་འདོན་ས་ཁ་ས་བོན་འདེབས། །མེ་ཏོག་ཤིང་འཛུགས་ལམ་ཞུགས་བསྡུམས། །འབྲི་གནག་ར་ལུག་ཕྱིར་གཏོང་བ། །བཟོ་དང་སྐྲ་སེན་འདྲེག་རྣམས་ངན།། འབྱུང་འཕྲོད། མེ་རླུང་འཕྲད་པ་སྟོབས་ལྡན་སྦྱོར། །སྟོབས་ལྡན་སྦྱོར་བས་བཀྲ་ཤིས་བྱེད། །རིམ་གྲོ་ལྷ་གསོལ་ཆོས་སྤྱོད་བྱ། །ཞི་རྒྱས་དབང་གི་ལས་རྣམས་འགྲུབ།། སྦྱོར་བ། ཁོན་འཛིན་བུད་མེད་མཛའ་དང་འབྲལ། གནམ་སྒོ། བག་མའི་གནམ་སྒོར་བག་མ་ཡི། །གཏོང་ལེན་བྱས་ན་ཡུགས་ས་འབབ།། ཀླུ་ཐེབས། ཀླུ་ཐེབས་དུས་སུ་ཆར་དབབ་པ། །ཀླུ་ཆོག་ཀླུ་གཏོར་གཏོང་བ་དང་། །ཀླུ་ལ་མནན་གཏད་སྐྱེལ་སོགས་བཟང་། ། མེ་ལྷ། མེ་ལྷ་ས་སྟེང་གནས་པར་བརྟེན། །སྲེག་བླུགས་འབུལ་ན་སྒྲུབ་པ་པོར། །དངོས་གྲུབ་རྣམ་གཉིས་ཐོབ་པར་འགྱུར། །