གཟའ། ལྷག་པ་གནོད་སྦྱིན་མ་ནིང་དང་། །རྒྱལ་བུའི་བླ་གཟའ་དམངས་རིགས་ཏེ། །ཞི་བ་སྔོ་ལྗང་ཆུ་ཡི་ཁམས། །དབང་བསྐུར་རབ་གནས་བསྟན་བཅོས་རྩོམ། །སྒྲ་སྙན་ཡིག་རྩིས་ཆོས་འཆད་ཉན།། སྔགས་བཟླ་རིན་ཆེན་ས་ཆུའི་ལས། །བསྡུམ་བྱ་འབྲེལ་སྟེག་ཁྱིམ་གསར་འཛིན། །མཁར་ལས་ལྷ་ཁང་རྟེན་བཞེངས་པ། །རྫིང་ཡུར་ཁྲོན་འདྲུ་བང་མཛོད་འཛིན། །སྐྲ་འཁྲུ་རྒྱན་འདོགས་གོས་དྲ་གྱོན། །གཡང་བསླན་བྲན་བསྟེན་གཉེན་སྒྲིག་ཚོང་། །ས་ཁ་འབྲུ་འདེབས་སྐྱེ་ཤིང་འཛུགས། །མེ་ཏོག་ལས་དང་འཕོ་སྐྱས་བཟོ། །ཡོན་འབུལ་ཕྱུགས་འདུལ་གཏར་སྲེག་བྱ།། རྟ་དྲེལ་སྒ་རྒྱག་གསོན་ལས་ཤིད། །མོ་རྩིས་རྒྱལ་བུའི་ཁྲུས་ཚུར་ལེན། །རང་དོན་སྒྲུབ་དང་དཀར་ཕྱོགས་དགེ། །ཞི་དང་རྒྱས་པའི་ལས་རྣམས་བཟང་། །དཀར་པོའི་སྟོད་དང་ནག་པོའི་སྨད། །ལྷོ་བགྲོད་ཉིན་མཚན་གཉིས་ཀ་དང༌། །མྱུར་འགྲོས་དར་དུས་འཁྲིག་བུ་མོའི།། ཁྱིམ་དུ་སླེབས་ཚེ་སྟོབས་ཆེ་ཞིང་། །ཁྱད་པར་རྒྱས་པའི་ལས་ལ་བསྔགས། །རབ་བྱུང་ཕྱིར་གཏོང་དུར་གདབ་པ། །བག་མ་ཐབ་བཅའ་ཆང་བཙོ་མདོས། །ཆུ་རགས་སྨན་སྦྱོར་རྐུན་ཇག་དམག །རྩོད་དང་ཞལ་ཆེ་བཟློག་པ་བྱེད། །དྲག་པོའི་ལས་རྣམས་ངན་པས་སྤང༌།། ཚེས། ཉི་ཤུ་དགུ་ལ་ལམ་ཞུགས་དང་། །དགྲ་འདུལ་ཧོམ་པར་ཐོག་སེར་དབབ། །བཟློག་པ་སྲི་མནན་དྲག་ལས་བཟང་། །ཆོས་བྱ་ཆང་བཙོ་ས་བོན་འདེབས། །སྐྲ་འཁྲུ༌བྲན་བསྟེན་རྐང་འགྲོས་འདུལ། །རབ་གནས་བག་མ་རྒྱལ་ས་གཤིན། །གཏར་སྲེག་རྟེན་བཞེངས་ཕྱུགས་ཉོ་ངན།། སྐར་མ། མགོ་ནི་དམེ་སྐར་རླུང་གི་ཁམས། །མྱུར་ཞིང་བཟང་བ་རྩད་པོའི་བླར། །རབ་བྱུང་རབ་གནས་ཆོས་འཆད་གཉེན། །ལྷ་གསོལ་ཚེ་གཡང་ཁྱིམ་སྒོ་འཛུགས། །རྒྱལ་ས་མཁར་ལས་ལྷ་རྟེན་བཞེངས། །གྲོས་ཀྱི་གཞི་འདིང་ས་ཁ་དབྱེ། །ཞིང་ལས་བག་མ་ཚུར་ལེན་དང༌། །རྟ་ཕྱུགས་འདུལ་དང་སྒ་རྒྱག་བཅོས། །སྨན་སྦྱོར་དམག་ཇག་དགྲ་འདུལ་སོགས། །རྩུབ་ལས་ཐབ་བཅའ་འདུ་ལོང་ཁྲུས། །བཟློག་པ་སྲི་མནན་སྐྲ་སེན་འདྲེག །ལྟད་སྟོན་མོ་རྩིས་མིང་འདོགས་ཚོང༌། །གསོན་ཆོས་རྒྱས་དང་དྲག་ལས་བཟང༌། །མི་ནོར་ཕྱིར་གཏོང་ལམ་དུ་འཇུག །དྲ་གྱོན་རྒྱན་འདོགས་དུར་འདེབས་ཤིད། །ཁ་སྨྲས་ཞལ་ཆེ་འཕོ་སྐྱས་ངན།། འབྱུང་འཕྲོད། ཆུ་རླུང་འཕྲད་པ་མི་མཐུན་སྦྱོར། །མི་མཐུན་སྦྱོར་བས་གཉེན་བཤེས་འབྱེད། །དབྱེན་དང་ཕྲ་མ་གཞུགས་པ་དང་། །དགྲ་བོ་དབྱུང་བའི་ལས་རྣམས་བྱ།། སྦྱོར་བ། ངེས་པ་དགྲ་བོ་གཏན་དུ་འཇོམས། གནམ་སྒོ། ཤིད་ཀྱི་གནམ་སྒོར་ཤིད་སྟོན་དག །བྱས་ན་འཕྲལ་དུ་གཤིན་ལས་འབབ།།