གཟའ། ཕུར་བུ་བྱང་སེམས་སྐྱེས་པ་བློན། །བརྗེའི་བླ་གཟའ་བྲམ་ཟེའི་རིགས། །ཞི་དྲག་འདྲེས་མ་རླུང་གི་ཁམས། །རབ་བྱུང་སྡོམ་འབོགས་དབང་བསྐུར་བ། །དཀྱིལ་འཁོར་སྔགས་བཟླ་རབ་ཏུ་གནས། །སྦྱིན་སྲེག་སྤྱི་དང་སྒོས་རོ་སྲེག །འཆད་ཉན་རྟེན་བཞེངས་རྒྱལ་སར་འདོན། །སྐྱེས་བློན་ཁྱད་པར་བནྡེ་ཡི། །བྱ་བ་སྒྲུབ་དང་དྲ་གྱོན་བག །ལྷ་ཁང་ཁང་རྨང་འདིང་ཐབ་བཅའ། །མཐུ་གཏད་བཟློག་མནན་རྒྱན་འདོགས་ཚོང༌། །རིན་ཆེན་ལྔའི་ལས་རྟ་གླང་འདུལ། །བྲན་བསྟེན་དོན་གཉེར་ལམ་དུ་ཞུགས། །གསོན་གཤིན་སྟོན་མོ་སྐྲ་འཁྲུ་བ། །གཏར་སྲེག་མོ་རྩིས་ཁྱིམ་གསར་འཛིན། །ཆང་བཙོ་སྦྲ་ཕྱར་འཚེམ་འཕོ་སྐྱས། བ་དན་མེ་ཏོག་སྐྱེ་ཤིང་འཛུགས། །ཞིང་སོགས་ས་བོན་གདབ་པ་དང་། །རྟ་དྲེལ་སྒ་རྒྱག་བསྡུམས་མདུན་གྲོས། །བརྟན་ལས་དགེ་ཤིས་རྒྱས་ལས་བཟང༌། །ཟླ་བའི་ཡར་ངོ་ཉིན་མོ་དང་། །དར་དུས་ལྷོ་བགྲོད་མྱུར་བའི་འགྲོས། །ཉ་དང་གཞུར་སླེབས་སྟོབས་ལྡན་ཞིང་།། ཁྱད་པར་བསྐྲད་ལས་སྟོབས་ཆེར་དྲན། །མོ་སྐྱེས་ནད་བཏབ་ཐོག་འབུབས་པ། །མནའ་སྐྱེལ་ཕྱུགས་གཏོང་བཙོན་དུ་ཚུད། །སྐྲ་སེན་འདྲེག་རྣམས་ངན་པས་སྤང༌།། ཚེས། ཉེར་གཉིས་བཟོ་རིག་ཡིག་རྩིས་སློབ། །ཆུ་འདྲུ་གཏང་རྒྱག་སྲི་མནན་དང་། །ཞིང་འདེབས་ཐབ་བཅའ་སྐྲ་འཁྲུ་བ། །ཕྱུགས་ཉོ་དྲག་པོའི་ལས་ཀུན་བཟང་། །རྒྱལ་ས་རྟེན་བཞེངས་རབ་གནས་ལམ། །འདུན་མ་ཁང་ས་དུར་ས་འཚོལ། །རྐང་འགྲོས་འདུལ་དང༌བྲན་གཡོག་བསྟེན། །བག་མ་ནོར་ཉོ་ཁང་གསར་འཛིན། །སྦྱིན་སྲེག་ཤྭ་རགས་རྩིག་པ་ངན།། སྐར་མ། ཁྲུམས་སྨད་གཤིན་སྐར་ཆུ་ཡི་ཁམས། །མྱུར་ཞིང་བཟང་བ་གཤིན་གྱི་བླར། །རབ་གནས་འཆད་ཉན་དབང་སྡོམ་ལེན། །རྒྱལ་ས་བྲན་བསྟེན་སྨན་སྦྱོར་ལས། །འབྲུ་ནོར་བསྡུ་དང་ཕྱུགས་འཇལ་ལེན། །གོས་རྒྱན་བཟོ་བྱ་གྱོན་ཞིང་འདོགས། །མདུན་མ་ཉོ་ཚོང་གཤིན་ལས་ཤིད། །ས་ཁ་སྐྱེ་ཤིང་མེ་ཏོག་འཛུགས། །རྫིང་ཡུར་ཞིང་ལས་ས་བོན་གདབ། །རྟེན་བཞེངས་བཟློག་མནན་སྐྲ་འཁྲུ་བ། །ཆང་བཙོ་ཞི་ལས་མྱུར་སྒྲུབ་བཟང༌། །ལྷ་གསོལ་གཡང་འགུགས་འདུ་ལོང་བྱེད། །མཁར་ལས་ཁྱིམ་འཛིན་ཐབ་བཅའ་བ། །སྦྲ་ཕྱར་འཚེམ་དང་གཏར་སྲེག་བསྡུམས། །བག་མ་གཏོང་ལེན་སྐྲ་སེན་འདྲེག །གསོན་ལས་དོན་གཉེར་ལྟད་སྟོན་དང༌། །ཆུ་རགས་བུ་བཙས་དུར་འདེབས་ངན།། འབྱུང་འཕྲོད། ཆུ་རླུང་འཕྲད་པ་མི་མཐུན་སྦྱོར། །མི་མཐུན་སྦྱོར་བས་གཉེན་བཤེས་འབྱེད། །དབྱེན་དང་ཕྲ་མ་གཞུགས་པ་དང་། །དགྲ་བོ་དབྱུང་བའི་ལས་རྣམས་བྱ།། སྦྱོར་བ། བཟང་པོ་ཀུན་གྱི་ཡིད་དུ་འོང་། གནམ་སྒོ། ཚོང་གི་གནམ་སྒོར་ཚོང་བྱས་ན། །ཚོང་ཉེས་གོད་ཁ་རྒྱུན་མི་ཆད།།  མེ་ལྷ། མེ་ལྷ་ས་སྟེང་གནས་པར་བརྟེན། །སྲེག་བླུགས་འབུལ་ན་སྒྲུབ་པ་པོར། །དངོས་གྲུབ་རྣམ་གཉིས་ཐོབ་པར་འགྱུར། ། བ་དན། ས་བདག་བ་དན་ཁྲ་བོ་ཤར་བའི་སྐབས་འཁེལ་བས། དར་ཆེན། རྒྱལ་མཚན། དར་ལྕོག ཐུག ཤམ་བུ། དར་གྱི་རིགས་བཙུགས་ན། དར་དེ་མ་ཟད་བར་དུ་ས་བདག་འཁོར་བཅས་ཁྲོས་ཏེ་དགེ་མེད་སྐྱོན་འགྱུར་ཆེ་བས་གཟའ་སྐར་བཟང་ཡང་སྤོང་དགོས།