གཟའ། པ་སངས་སྟག་གཟིག་རྒྱལ་བློན་དང་། །བུད་མེད་བླ་གཟའ་བྲམ་ཟེའི་རིགས། །ཞི་བ་ས་ཁམས་སྣ་ཚོགས་མདོག །ཆོས་འཆད་རབ་བྱུང་རབ་གནས་དང་། །དཀྱིལ་འཁོར་སྔགས་སྒྲུབ་ལྷ་རྟེན་བཞེང་།། ལྷ་གསོལ་གཉེན་སྒྲིག་བག་མ་ཚོང༌། །ལམ་ཞུགས་ཁང་རྨང་སྦྲ་ཁྱིམ་འབུབས། །རྒྱལ་སར་འཇུག་སོགས་རྒྱལ་བློན་དང་། །བུད་མེད་ཀྱིས་བསྒྲུབ་བྱ་བའི་ལས། །དྲ་གྱོན་ལྟད་སྟོན་རྫིང་ཡུར་འདྲུ། །གྲོགས་བཙལ་འཁོར་བསྟེན་དྲི་སྨན་སྦྱོར། །གཏར་སྲེག་གཤིན་གྱི་བྱ་བ་སྤྱི།། ཆང་བཙོ་སྟོན་མོ་སྐྲ་འཁྲུ་འདྲེག །ས་ཁ་སོ་ནམ་ས་བོན་གདབ། །རིན་ཆེན་ལྔའི་བཟོ་ཁྱིམ་འཛིན་པ། །མོ་རྩིས་རིག་སློབ་བསྡུམས་ཐབ་བཅའ། །རྟ་རྒྱུག་སྒ་རྒྱག་རྩེད་མོ་གྲོས། །རྒྱན་འདོགས་བུད་མེད་དག་ལ་བགྲོད། །ཆུ་རགས་དཀར་ཕྱོགས་རིམ་གྲོ་སོགས། །ཞི་དང་རྒྱས་པའི་ལས་རྣམས་བཟང་། །དཀར་ཕྱོགས་དར་དུས་ལྷོ་བགྲོད་ཉིན། །དལ་འགྲོས་སྟོབས་ཆེ་ཁྱད་པར་དུ། །གླང་སྲང་ཁྱིམ་དུ་དབང་ལས་འགྲུབ། །འཕོ་སྐྱས་ཤགས་འདེབས་འཁོན་བར་པ། །ནད་ཐེབས་ཇག་རྐུན་དུར་སྦ་སྲེག །བུ་ལོན་འཇལ་དང་དྲག་ལས་ངན།། ཚེས། ཉེར་དྲུག་སྐྲ་འཁྲུ་ས་ཁ་འབྱེད། །ས་བོན་འདེབས་དང་དྲག་ལས་བཟང་། །ལམ་ཞུགས་རབ་གནས་རྒྱལ་ས༌བྲན། །མཁར་ལས་ནོར་ཕྱུགས་ཉོ་བ་ངན།། སྐར་མ། ཁྲུམས་སྟོད་གཤིན་སྐར་མེ་ཡི་ཁམས། །བརྟན་པའི་དོན་གྲུབ་བརྗེའི་བླར། །དབང་བསྐུར་རབ་གནས་སྦྱིན་སྲེག་དང༌། །གཉེན་སྦྱོར་ཚེ་འགུགས་ཁང་རྨང་འདིང་། །ལྷ་གསོལ་མདུན་གྲོས་སྨན་སྦྱོར་བསྡུམས། །རྟ་ཕྱུགས་ཉོ་འདུལ་ནོར་ཚུར་ལེན། །ཐབ་བཅའ་རྒྱལ་མཚན་ལྗོན་ཤིང་འཛུགས། །བྲན་བརྟེན་ས་འཛིན་ས་བོན་འདེབས། །གཤིན་ལས་སེལ་འཛུགས་བཟོ་རིགས་ཚོང༌། །སྦྲ་ཕྱར་རགས་རྩིག་དགེ་བའི་ལས། །མིང་འདོགས་གསོན་པོའི་བྱ་བ་དང་། །དྲག་པོའི་སྦྱོར་བ་ཐམས་ཅད་བཟང་། །ནོར་འཇལ་ཞལ་ཆེ་ཁ་སྨྲས་དང༌། །ལམ་ཞུགས་དྲ་གྱོན་རྫིང་ཡུར་འདྲུ། །སྐྲ་འཁྲུ་ས་ཁ་སོ་ནམ་འཛུགས། །དོན་གཉེར་ཐག་རིང་སྟོན་མོ་དང༌། །རྐུན་ཇག་བག་མ་གཏོང་ལེན་ངན།། འབྱུང་འཕྲོད། ས་མེ་འཕྲད་པ་སྲེག་པའི་སྦྱོར། །སྲེག་པའི་སྦྱོར་བས་སྡུག་བསྔལ་བསྐྱེད། །དམག་འདྲེན་དགྲ་གཞོམ་དྲག་ལས་རྩོད། །ཕ་རོལ་སྡུག་བསྔལ་བསྐྱེད་ཀུན་བྱ།། སྦྱོར་བ། ཁོན་འཛིན་བུད་མེད་མཛའ་དང་འབྲལ། གནམ་སྒོ། མཁར་གྱི་གནམ་སྒོར་མཁར་གྱི་ལས། །བྱས་ན་འཕྲལ་དུ་གྱོད་འབྱུང་ངོ་།།  མེ་ལྷ། མེ་ལྷ་ས་སྟེང་གནས་པར་བརྟེན། །སྲེག་བླུགས་འབུལ་ན་སྒྲུབ་པ་པོར། །དངོས་གྲུབ་རྣམ་གཉིས་ཐོབ་པར་འགྱུར། །