གཟའ། ལྷག་པ་གནོད་སྦྱིན་མ་ནིང་དང་། །རྒྱལ་བུའི་བླ་གཟའ་དམངས་རིགས་ཏེ། །ཞི་བ་སྔོ་ལྗང་ཆུ་ཡི་ཁམས། །དབང་བསྐུར་རབ་གནས་བསྟན་བཅོས་རྩོམ། །སྒྲ་སྙན་ཡིག་རྩིས་ཆོས་འཆད་ཉན།། སྔགས་བཟླ་རིན་ཆེན་ས་ཆུའི་ལས། །བསྡུམ་བྱ་འབྲེལ་སྟེག་ཁྱིམ་གསར་འཛིན། །མཁར་ལས་ལྷ་ཁང་རྟེན་བཞེངས་པ། །རྫིང་ཡུར་ཁྲོན་འདྲུ་བང་མཛོད་འཛིན། །སྐྲ་འཁྲུ་རྒྱན་འདོགས་གོས་དྲ་གྱོན། །གཡང་བསླན་བྲན་བསྟེན་གཉེན་སྒྲིག་ཚོང་། །ས་ཁ་འབྲུ་འདེབས་སྐྱེ་ཤིང་འཛུགས། །མེ་ཏོག་ལས་དང་འཕོ་སྐྱས་བཟོ། །ཡོན་འབུལ་ཕྱུགས་འདུལ་གཏར་སྲེག་བྱ།། རྟ་དྲེལ་སྒ་རྒྱག་གསོན་ལས་ཤིད། །མོ་རྩིས་རྒྱལ་བུའི་ཁྲུས་ཚུར་ལེན། །རང་དོན་སྒྲུབ་དང་དཀར་ཕྱོགས་དགེ། །ཞི་དང་རྒྱས་པའི་ལས་རྣམས་བཟང་། །དཀར་པོའི་སྟོད་དང་ནག་པོའི་སྨད། །ལྷོ་བགྲོད་ཉིན་མཚན་གཉིས་ཀ་དང༌། །མྱུར་འགྲོས་དར་དུས་འཁྲིག་བུ་མོའི།། ཁྱིམ་དུ་སླེབས་ཚེ་སྟོབས་ཆེ་ཞིང་། །ཁྱད་པར་རྒྱས་པའི་ལས་ལ་བསྔགས། །རབ་བྱུང་ཕྱིར་གཏོང་དུར་གདབ་པ། །བག་མ་ཐབ་བཅའ་ཆང་བཙོ་མདོས། །ཆུ་རགས་སྨན་སྦྱོར་རྐུན་ཇག་དམག །རྩོད་དང་ཞལ་ཆེ་བཟློག་པ་བྱེད། །དྲག་པོའི་ལས་རྣམས་ངན་པས་སྤང༌།། ཚེས། ཉེར་བཞི་འབྲུ་འདེབས༌བྲན་གཡོག་བསྟེན། །ཕྱུགས་ཉོ་དབང་རྒྱས་ལས་ལ་བཟང་། །རབ་གནས་རྒྱལ་ས་སྐྲ་འཁྲུ་བ། །ལམ་དུ་འཇུག་པ་རྣམས་ལ་ངན།། སྐར་མ། མོན་གྲེ་འགྲོན་སྐར་ཆུ་ཡི་ཁམས། །མྱུར་བར་འགྱུར་བ་རྟ་བོང་བླར། །རབ་བྱུང་རབ་གནས་དབང་བསྐུར་བ། །རྒྱལ་སར་འཇུག་སོགས་དཔོན་བསྐོ་དང༌། །ལྷ་གསོལ་གཡང་འགུགས་སྨན་སྦྱོར་ཚོང༌། །རྟེན་བཞེངས་མཁར་ལས་ཁྱིམ་གསར་འཛིན། །རྟ་བོང་བཅོས་བྱེད་ཚུར་ལེན་པ། །གོས་དྲ་གོས་གྱོན་རྒྱན་འདོགས་དང་། །བྲེས་རྩིག་དོན་གཉེར་ཞུ་བ་གསོལ། །སྐྲ་འཁྲུ་གསོན་ལས་ཆོས་སྟོན་འདྲེན། །ལམ་ཞུགས་ཞིང་འདེབས་ས་ཁ་དབྱེ། །དམག་སོགས་དྲག་པོའི་ལས་རྣམས་བཟང༌། །རྟ་བོང་ནོར་རྫས་ཕྱིར་གཏོང་བ། །བཟློག་མནན་ཐབ་བཅའ་སྐྱས་དང་གཉེན། །བག་མ་གཏོང་ལེན་གཤིན་ལས་ངན།། འབྱུང་འཕྲོད། ཆུ་གཉིས་ནང་འཕྲད་བདུད་རྩི་སྦྱོར། །བདུད་རྩི་སྦྱོར་བས་ཚེ་སྟོབས་འཕེལ། །སྨན་སྦྱོར་ཁྲུས་བྱེད་བག་མ་ལེན། །ཚེ་དབང་ཚེ་སྒྲུབ་ཆོ་ག་དང་། །གཉེན་དང་ཚོང་བསྐྱེད་འཕེལ་ལས་བཟང་།། སྦྱོར་བ། ཚངས་པ་ལྷ་ཡི་གོ་འཕང་ཐོབ། གནམ་སྒོ། དམག་གི་གནམ་སྒོར་དམག་དྲངས་ན། །གཡུལ་ཕམ་གཡུལ་ཉེས་ལན་དགུ་ཟློས།།  མེ་ལྷ། མེ་ལྷ་ས་སྟེང་གནས་པར་བརྟེན། །སྲེག་བླུགས་འབུལ་ན་སྒྲུབ་པ་པོར། །དངོས་གྲུབ་རྣམ་གཉིས་ཐོབ་པར་འགྱུར། །