གཟའ། ལྷག་པ་གནོད་སྦྱིན་མ་ནིང་དང་། །རྒྱལ་བུའི་བླ་གཟའ་དམངས་རིགས་ཏེ། །ཞི་བ་སྔོ་ལྗང་ཆུ་ཡི་ཁམས། །དབང་བསྐུར་རབ་གནས་བསྟན་བཅོས་རྩོམ། །སྒྲ་སྙན་ཡིག་རྩིས་ཆོས་འཆད་ཉན།། སྔགས་བཟླ་རིན་ཆེན་ས་ཆུའི་ལས། །བསྡུམ་བྱ་འབྲེལ་སྟེག་ཁྱིམ་གསར་འཛིན། །མཁར་ལས་ལྷ་ཁང་རྟེན་བཞེངས་པ། །རྫིང་ཡུར་ཁྲོན་འདྲུ་བང་མཛོད་འཛིན། །སྐྲ་འཁྲུ་རྒྱན་འདོགས་གོས་དྲ་གྱོན། །གཡང་བསླན་བྲན་བསྟེན་གཉེན་སྒྲིག་ཚོང་། །ས་ཁ་འབྲུ་འདེབས་སྐྱེ་ཤིང་འཛུགས། །མེ་ཏོག་ལས་དང་འཕོ་སྐྱས་བཟོ། །ཡོན་འབུལ་ཕྱུགས་འདུལ་གཏར་སྲེག་བྱ།། རྟ་དྲེལ་སྒ་རྒྱག་གསོན་ལས་ཤིད། །མོ་རྩིས་རྒྱལ་བུའི་ཁྲུས་ཚུར་ལེན། །རང་དོན་སྒྲུབ་དང་དཀར་ཕྱོགས་དགེ། །ཞི་དང་རྒྱས་པའི་ལས་རྣམས་བཟང་། །དཀར་པོའི་སྟོད་དང་ནག་པོའི་སྨད། །ལྷོ་བགྲོད་ཉིན་མཚན་གཉིས་ཀ་དང༌། །མྱུར་འགྲོས་དར་དུས་འཁྲིག་བུ་མོའི།། ཁྱིམ་དུ་སླེབས་ཚེ་སྟོབས་ཆེ་ཞིང་། །ཁྱད་པར་རྒྱས་པའི་ལས་ལ་བསྔགས། །རབ་བྱུང་ཕྱིར་གཏོང་དུར་གདབ་པ། །བག་མ་ཐབ་བཅའ་ཆང་བཙོ་མདོས། །ཆུ་རགས་སྨན་སྦྱོར་རྐུན་ཇག་དམག །རྩོད་དང་ཞལ་ཆེ་བཟློག་པ་བྱེད། །དྲག་པོའི་ལས་རྣམས་ངན་པས་སྤང༌།། ཚེས། ཚེས་གསུམ་རབ་གནས་དཀྱིལ་འཁོར་འདྲི། །རབ་བྱུང་ལམ་ཞུགས་སྦྱིན་སྲེག་དང་། །དོན་གཉེར་རྒྱལ་ས་ཁང་ཁྱིམ་འཛིན། །སྐྲ་འཁྲུ་ཕྱུགས་ཉོ་རྒྱས་ལས་བཟང་། །རྫིང་ཡུར་ཁྲོན་འདྲུ་བག་མ་དང་། །བྲན་གཡོག་བསྟེན་རྣམས་ངན་པ་ཡིན།། སྐར་མ། སྨིན་དྲུག་ཟློས་སྐར་མེ་ཡི་ཁམས། །བཏང་སྙོམས་ཅན་ཏེ་བུད་མེད་བླར། །ཆོས་སློབ་ལྷ་ཁང་མཆོད་རྟེན་གསོ། །ལྷ་གསོལ་ཚེ་གཡང་རྒྱལ་སར་བསྐོ། །ཚུར་ལེན་སྐྱིད་སྟོན་སྦྲ་ཁྱིམ་འབུབས། །ཐབ་བཅའ་ལྷས་རྩིག་ར་ལུག་ཉོ། །སྦྱིན་སྲེག་རིན་ཆེན་བཞུ་དང་བཟོ། །མཚོན་ཆ་ཁྱིམ་འཛིན་གོས་གྱོན་པ། །རྐུན་མ་ཕྱུགས་འགྱེད་རྟ་བོང་སྒ། །སྐྲ་འཁྲུ་རྒྱན་འདོགས་བུད་མེད་བརྟེན། །བུ་བཙས་ལྟད་མོ་གཉེན་འཕྲད་དང༌། །ཆུ་རགས་ཡོན་འབུལ་སྨན་སྦྱོར་རྩིས། །མེ་ལས་དྲག་པོའི་ལས་སྒྲུབ་བཟང་། །གོས་ཉོ་ཕར་འཇལ་ལམ་ཞུགས་བག །གཤིན་ལས་གོས་དྲ་འཕོ་སྐྱས་མཁར། །རྒྱལ་མཚན་ཕན་འཛུགས་བང་མཛོད་དབྱེ། །རྫིང་ཡུར་ས་ཁ་ས་བོན་འདེབས། །བུ་འབོགས་སྐྱེ་ཤིང་འཛུགས་རྣམས་ངན།། འབྱུང་འཕྲོད། མེ་ཆུ་འཕྲད་པ་འཆི་བའི་སྦྱོར། །འཆི་བའི་སྦྱོར་བས་སྲོག་འཕྲོག་བྱེད། །ཕ་རོལ་གསོད་དང་དུག་སྦྱོར་དང་། །མཐུ་གཏད་ལ་སོགས་རིག་པས་བསྒྲུབ། སྦྱོར་བ། ཚེ་ལྡན་ཚེ་རིང་དཔལ་ཐོབ་བོ། གནམ་སྒོ། བུ་ཆུང་གནམ་སྒོར་བུ་བཙས་དང་། །སྒོར་ཁྲིད་བྱས་ན་བར་ཆད་འོང་།།  མེ་ལྷ། མེ་ལྷ་ས་སྟེང་གནས་པར་བརྟེན། །སྲེག་བླུགས་འབུལ་ན་སྒྲུབ་པ་པོར། །དངོས་གྲུབ་རྣམ་གཉིས་ཐོབ་པར་འགྱུར། །